Menu Pagine
TwitterRssFacebook
Menu Categorie

Pubblicato da il 26 Mar 2015 in Audio e Video | 0 Commenti

“In Val d’ Astego piove zó” (G. Sberze)

“In Val d’ Astego piove zó” (G. Sberze)

 

Gianmaria Sberze, del Canzoniere Vicentino, ci segnala questa canzone, “In Val d Astego piove zó”, di sua composizion:

So morozo a l è Giovàni,

fra tre mesi el gà vinti àni

El zé lù el più bèlo

dei malgari che vien al marcà

In Val d’Astego piove zó

Tute le pute zé rivà qua

vegnù zó da le contrà

Come tanti fiori in bocio

parché i tózi ghe struche de ocio

In Val d Astego piove zó

Ma Giovani ancó §é rivà

co na facia da funeral

Vien co mi Marieta

che te gò da racontar

In Val d Astego piove zó

Domàn devo partir soldà

parché ieri i me gà ciamà

Pensa a mi Marieta

finché a caza ritornarò

In Val d Astego piove zó

zé pasà quazi un ano e mè§z

e Giovani sta sempre pèzo

Sarà su in trincea

come un sórze intrapolà

In Val d Astego piove zó

Finché un giorno riva la posta

e Marieta la la spetàva

Ghe zé dó righéte

e la firma de un uficial

In Val d Astego piove zó

Ghe zé scrito che el só Giovani

l è ‘ndà in sièl co i só bèi vint’ani

par la cauza sacra

de la patria da liberar

In Val d Astego piove zó

E Marieta no pol savere

che Giovani zé stà copà

Dal só capitano

par aver tentà de scapar

In Val d Astego piove zó

Ma la tèra zé del Signore

no disprèsa un dizertore

Dove l è sepolto

un bel fiore zé zà spuntà

In Val d Astego piove zó

Piovi siel su la nostra tèra;

pianzi su sta schifosa guèra

Che par quatro siori

mèzo mondo se gà scanà

In Val d Astego piove zó

In Val d Astego piove zó

in Val Posena piove zó

piove zó in Valarsa,

dapartuto piove zó

In Val d Astego piove zó

 

 

* È possibile ascoltare la canzone in una esecuzione del gruppo “Valincantà”.

Qui l’ascolto (si ringrazia Maria Grazia Dal Prà):

 

 

Pubblica un Risposta

Il tuo indirizzo email non sarà pubblicato. I campi obbligatori sono contrassegnati *